Viðskiptastjóri hjá Heilbrigðislausnum Icepharma

Icepharma leitar að söludrifnum og metnaðarfullum liðsmanni í spennandi sölu- og markaðsstarf hjá Heilbrigðislausnum Icepharma

Helstu verkefni og ábyrgð

• Sala og markaðssetning á lækningatækjum og hjúkrunarvörum
• Kynningar, fræðsla og eftirfylgni
• Myndun viðskiptatengsla og heimsóknir til viðskiptavina og birgja
• Þjónusta og ráðgjöf við viðskiptavini
• Þátttaka í verðfyrirspurnum og útboðum
• Fundir og ráðstefnur innanlands og erlendis
• Þátttaka í viðskiptaþróun og greiningu vaxtartækifæra
• Aðkoma að áætlanagerð og eftirfylgd áætlana

Hæfnikröfur

• Menntun á sviði heilbrigðisvísinda eða önnur menntun sem nýtist í starfi
• Reynsla af sölu- og markaðsstarfi á heilbrigðisvörum er mikill kostur
• Áhugi á tæknilausnum ásamt góðu tæknilæsi
• Metnaður, drifkraftur og frumkvæði
• Jákvæðni og framúrskarandi færni í tengslamyndun og mannlegum samskiptum
• Góð skipulagshæfni ásamt faglegum og sjálfstæðum vinnubrögðum
• Mjög gott vald á íslensku og ensku

Vinnustaðurinn

• Mötuneyti í hæsta gæðaflokki
• Sérkjör á heilsuvörum, vítamínum og íþróttafatnaði
• Áhersla er lögð á fræðslu starfsmanna
• Skýr starfsmannastefna um jákvæð samskipti og vinnustaðamenningu
• Fjölbreytt úrval af vítamínum og steinefnum á vinnustaðnum
• Líkamsræktarstyrkir
• Öflugt starfsmannafélag og sjálfsprottnir starfsmannahópar fyrir ýmis áhugamál
• Styrkir úr heilsusjóði Ósa sem hvetur til heilsueflingar starfsmannahópa
• Sveigjanlegt og fjölskylduvænt vinnuumhverfi

Icepharma er í fararbroddi á íslenskum lyfja-, heilbrigðis- og neytendamarkaði. Kjarninn í starfsemi okkar er að auka lífsgæði með öflugu framboði af heilsueflandi vörum. Hjá fyrirtækinu starfa um 90 manns við sölu og markaðssetningu, sérfræðiráðgjöf og þjónustu. Við leggjum áherslu á metnað, frumkvæði, gleði og svigrúm starfsfólks til að vaxa og þróast í starfi.

Icepharma er hluti af samstæðunni Ósar – lífæð heilbrigðis hf., þar sem samtals starfa um 220 manns. Hjá Heilbrigðislausnum starfa um 20 manns í frábærri liðsheild.

Farið verður með allar umsóknir sem trúnaðarmál og í samræmi við lög um meðferð persónuupplýsinga.

Nánari upplýsingar

Sverrir Briem - sverrir@hagvangur.is